Në krahn të trajnerit Daja, në konferencën për shtyp nuk ishte portieri dhe kapiteni Shehi, por mesfushori tiranas i Skënderbeut, Gjergji Muzaka. Ai pranoi se përballja ndaj serbëve do të jetë e veçantë, por tha se futbollistët janë të gjithë të përqendruar të marrja e 3 pikëve.
“Ndeshja e nesërme ndaj Partizanit të Beogradit nuk do të jetë një ndeshje normale, kjo edhe për vetë rivalitetin dhe tensionin që ekziston mes dy shteteve, Shqipërisë dhe Serbisë. Gjithsesi, ne jemi përgatitur për të dhënë më të mirën në fushë, ku do të përqendrohemi vetëm te marrja e 3 pikëve, për të mbajtur gjallë shpresat për vijimin më tej të aventurës tonë europiane”, tha Muzaka.
Mesfushori tiranas theksoi harmoninë që ekziston brenda grupit korçasr, teksa tha se të gjithë janë të përqendruar vetëm të përballojnë me sukses këtë ndeshje.
“Nuk ka rëndësi nëse shënoj apo jo, madje do të isha shumë i lumtur edhe po të rrija në shtëpi, mjafton që të fitojë Skënderbeu. Atmosfera në grup është e shumë e mirë dhe të gjithë jemi të gatshëm të japim maksimumin për të mirën e ekipit, duke lënë mënjanë egon personale”, u shhpreh mesfushori i palodhur i Skënderbeut.
