Gjergji Muzaka ishte futbollisti që rezultoi deçiziv, pasi me futjen në fushë, i dha një tjetër fytyrë lojës së skuadrës dhe shënoi golin e barazimit.
“Normalisht që ishte një ndeshje e vështirë, pasi pjesën më të madhe të lojës, Flamurtari na vuri në vështirësi. Gjithsesi, e rëndësishme ishte që reaguam mirë dhe arritëm të shënonim dhe të mos dilnim pa pikë nga kjo sfidë”, tha Muzaka.
Të dy golat e kësaj sfide u shënuan nga futbollistë që ishin ‘ish’ në fushë, ndërsa tiranasi i Skënderbeut komentoi edhe zgjedhjen për të mos festuar.
“Fati e donte që ne të shënonim ndaj 2 skuadrave për të cilat kishim luajtur më herët dhe vendosët të respektojmë tifozëritë përkatëse, duke mos festuar. Kur Ditmari ngriti duart lart, mendova se u anulua goli i Flamurtarit dhe mu deshën pak sekonda të kthjellohesha”, tha Muzaka.