Myrto Uzuni, Luis Rioja dhe Pepe Rodriguez janë 3 kandidatët për të fituar çmimin lojtari më i mirë i muajit në LaLiga2 (Segunda Division).
Sulmuesi i Kombëtares Shqiptare vijon të bëjë ligjin te Granada dhe në shkurt dhuroi të tjera performanca pozitive.
Në tri përballje deri tani të zhvilluara në muajin shkurt në Segunda Division, 27-vjeçari ka shënuar tre gola të tjerë vendimtarë për Granadën.
Lexo edhe:
- Fulvio Collovati: Mourinho ka disa oferta, po përgatit divorcin
- Coutinho në verë duhet të gjejë skuadër
- Sebastian Khel: Bellingham? Ka edhe dy vite në kontratë, në kokën e tij është vetëm futbolli
- Debutimi i paharrueshëm kundër Milanit, oferta e Romës, Brendtfordi…, Strakosha rrëfen karrierën
Uzuni fillimisht vulosi fitoren e Granadës në një transfertë të vështirë përballë Villarrealit B. Në fitoren 0-2, sulmuesi kuqezi shënoi golin e dytë, ndërsa në sfidën tjetër, përballë Tenerifes në shtëpi, Uzuni i vetëm shënoi dy golat e sfidës.
3 realizime, me Uzunin që konfirmon sezonin e tij më të mirë në karrierë. Deri tani Myrtoja numëron 17 gola, duke udhëhequr Granadën drejt vendeve të para në renditje.
Klubi spanjoll aktualisht ndodhet në vendin e pestë me 48 pikë, 5 pikë më pak se Las Palmasi i vendit të parë.
Granada deri në fundin e shkurtit do të luajë edhe një sfidë në kampionat përballë Malagas, ku Uzuni do të ketë sërish një mundësi të artë për të realizuar përsëri dhe për të fituar çmimin prestigjioz si lojtari më i mirë i muajit shkurt në Segunda Division.
