Tenis

Nadal 11 herë “mbret” në Roland Garros, Thiem bie në finale

Një legjendë e gjallë e Roland Garros vetëm kështu mund të përkufizohet Rafael Nadal. Spanjolli vazhdon të shkruajë historinë në French Open, teksa përmbushi të gjitha pritshmëritë edhe në këtë edicion duke fituar titullin e tij të 11-të në grand-slamin parizien dhe duke përmirësuar rekordin e tij në këtë turne. Finalja ndaj Thiem nuk kishte shumë histori me Rafën që triumfoi 3-0 me sete në një ndeshje ku tenisti austriak bëri rezistencë vetëm në disa momente të caktuara të lojës. Edhe pse kishte një problem të vogël në krah, Nadal ishte thjeshtë i papërballueshëm për Thiem që më të mirën e tij e dha në setin e parë ku fitoi 4 game. Finalja e 11-të dhe suksesi i 11-të për 32-vjeçarin spanjoll në Roland Garros me Nadal që është padiskutim mbreti i fushave me dhe të kuq. Zgjati 2 orë e 44 minuta sfida mes numrit 1 të botës dhe numrit 8 në renditjen e ATP, me Nadal që arriti të mposhte Thiem në 36 sete me shifrat 6-4 6-3 6-2. Nadal pas këtij triumfi ruan vendin e parë në klasifikimin e përgjitshëm botëror dhe tashmë vëmendja e tij shkon në Ëimbledon aty ku nuk do ta ketë aspak të lehtë përballë Federer që vjen i freskët në grand-slamin më të rëndësishëm të vitit pasi ka qëndruar pushim gjatë kësaj periudhe.

To Top