Pas 7 vitesh Yuto Nagatomo i jep lamtumirën Interit. Mbrojtësi i majtë japonez u transferua në kampionatin turk te Galatasaray në formë huazimi deri në fund të këtij sezoni, pasi te zikaltërit e kishte shumë të vështirë të gjente vend në formacion dhe për të mos humbur grumbullimin me Japoninë në Botërorin, Rusi 2018-të vendosi të ndërrojë skuadër. Nagatomo pjesë e Interit që nga janari i vitit 2011-të, ka zhvilluar në total 210 paraqitje me këtë skuadër duke shënuar dhe 11 gola ndërsa ka fituar edhe trofeun e Kupës së Italisë në sezonin e tij të parë. Tashmë për mbrojtësin nipon nis një aventurë e re në kampionatin turk.