Qendra stërvitore e Interit ka qenë e mbyllur këtë fundjavë, pasi lojtarët janë lënë pushim, për t’u rikthyer vetëm nesër dhe për të vijuar përgatitjen për ndeshjen e të dielës me Lazion.
Megjithatë nuk ka vlejtur ky rregull për Mauro Icardin dhe Radja Nainggolanin, të cilët kanë vijuar punën intensive, për t’u vënë në dispozicion të Spallettit këtë fundjavë.
Mesfushori belg vjen pas një dëmtimi, që e mban jashtë fushave prej rreth një muaji, ndërsa sulmuesi vjen pas një përplasjeje me drejtuesit dhe prej fillimit të shkurtit, nuk është stërvitur me grupin.
Por që të dy duket se po rikuperojnë mjaft mirë dhe trajneri Spalletti mund të buzëqeshë, pasi në javën kur shumë futbollistë janë impenjuar me kombëtaret respektive, mund të bazohet te dy elementë të freskët.