Nantes pakësoi akoma më shumë shanset e Lyon për ta mbyllur sezonin në vendin e dytë të Ligue 1 që do t’i siguronte direkt kualifikimin në fazën e grupeve të UEFA Champions League për sezonin e ardhshëm. Në Stade de la Beaujoire triumfoi me shifrat 2-1 skuadra e boshnjakut Halilhodzic falë golave të Coulibaly dhe Limbombe, ndërkohë që për Lyon barazoi përkohësisht Terrier. Goli i Limbombe në minutën e 83-të ishte vërtetë fantastik pasi erdhi nga një goditje standarte. Nantes me këtë fitore hodhi një hap të sigurt drejt mbijetesës ndërkohë që Lyon me këtë humbje vë në rrezik edhe vendin e 3-të, pasi St Ettiene dhe Marseille kërcënojnë nga pas.
