Connect with us

Hi, what are you looking for?

Serie A

Napoli “çmonton” Interin, Atalanta merr atë që do ndaj Juves, ende e hapur gara për Champions

Shkuan në Napoli për të festuar kualifikimin në Ligën e Kampionëve, por zikaltrit e Luciano Spallettit dolën nga stadiumi “San Paolo” me një nga humbjet më të thella sezonale, 4-1.

Ndonëse pa objektiva fare, të besuarit e Carlo Ancelottit treguan që në minutat e para se nuk kanë ndërmend të lëshojnë, duke zhvendosur lojën në gjysmëfushën zikaltër, ndërsa zhbllokuan sfidën në minutën e 16’, pas një goli spektakolar të Zielinskit.

Interi nuk kishte fuqi të reagojë, ndërsa Lautaro Martinez ishte i izoluar në majë të sulmit, duke bërë që pjesa e parë të përfundonte 1-0, ndërsa 45-minutëshin e dytë Spalletti e nisi me Icardin në fushë, në vendin e Politanos.

Por kjo lëvizje rezultoi fatale, pasi skuadra u shthur dhe nuk po arrinte të mbyllte hapësirat me vendosjen e re, ndërsa këtë e shfrytëzoi maksimalisht Napoli, që shënoi edhe 3 herë të tjera, me Mertens dhe dopietën e Fabian Ruiz, duke çuar shifrat në 4-0.

Goli i vetëm i zikaltërve u shënua nga Mauro Icardi, i cili fitoi një 11-metërsh, që më pas e gjuajti saktësisht dhe e dërgoi në rrjetën e portës së Carnezis, duke i dhuruar vetes pak kënaqësi, pasi kishte javë që nuk shënonte.

Me këtë humbje, Interi zbret në vendin e katërt dhe tashmë duhet të fitojë patjetër ndaj Empolit në javën e fundit në “San Siro”, për të ruajtur pozicionin dhe për t’u bërë pjesë e edicionit të ardhshëm në Ligën e Kampionëve.

Një rezultat mjaft të mirë mori edhe Atalanta në “Allianz Stadium”, ku doli me një pikë falë barazimit 1-1 ndaj Juventusit, në mbrëmjen e festës së titullit kampion për bardhezinjtë, por edhe lamtumirës së Barzaglit dhe Allegrit.

Josip Iliçiç shënoi për bergamaskët në pjesën e parë, ndërsa Juventusi baraspeshoi shifrat me anë të Mario Mandzukiç, 10 minuta para fundit të sfidës, rezultat ky që mbeti i pandryshuar deri në fund, por vlen të theksohet se në minutat shtesë Bernardeschi u ndëshkua me karton të kuq.

Me këtë barazim, Atalanta ngjitet në vendin e tretë dhe është “zot” i fatit të saj, pasi do t’i duhet të fitojë në ndeshjen e fundit në shtëpi, përballë Sassuolos, për të siguruar pjesëmarrjen në Champions.

Ky barazim ishte një rezultat që shkaktoi trishtim edhe në shtëpinë e Milanit, pasi kuqezinjtë tashmë nuk kanë asgjë në dorën e tyre dhe në javën e fundit, përveç fitores me Spalin, duhet të luten edhe që Interi ose Atalanta të gabojnë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...