Napoli nuk shkoi më shumë se një barazim 1-1 në transfertën ndaj Empolit, duke afruar edhe më shumë titullin e tetë kampion radhazi për skuadrën e Juventusit.
Pas një pjese të parë pa gola, ishte Domenico Berardi që zhbllokoi rezultatin në minutën e 53-të, ndërsa Napoli arriti të rikthejë baraspeshën me Insignen, katër minuta para fundit të takimit.
Ky rezultat çon Napolin në kuotën e 57 pikëve, Ћka i jep skuadrës së Ancelottit garanci për një vend në zonën Champions, por njëkohësisht rrit në 18 pikë distancën nga Juventusi kryesues.
Thënë ndryshe, bardhezinjve do t’ju mjaftojnë edhe 15 pikë në 11 javët e mbetura, për të marrë titullin e tetë kampion radhazi, në një sezon ku nuk po dinë të ndalen, pasi nuk njohin humbjen as pas 27 javëve.
