Ai është një fiksim i vjetër i presidentit të Napolit, Aurelio De Laurentis, por edhe trajnerit Maurizzio Sarri. Bëhet fjalë për mesfushorin qendror të Barcelonës, 24-vjeçarin Deni Suarez, që po kërkohet me ngulm nga napolitanët, për sezonin e ardhshëm.
“Nëse duhet të zgjidh se kush më tremb dhe kush më pëlqen, ai është Denis Suarez”, do të shprehej De Laurentis, në 2016-ën, para sfidës Villareal-Napoli dhe pikërisht spanjolli ishte ai që ndëshkoi Napolin.
Tani Suarez po gjen pak hapësira te Barça dhe mirëpret një tjetër destinacion, ku mund të luajë me vazhdimësi, ndaj do të konsideronte seriozisht një transferim te Napoli. Mediat italiane raportojnë se drejtuesit e napolitanëve kanë kërkuar informacionet paraprake te katalanët, për të blerë kartonin e mesfushorit.
