Napoli vazhdon të mbetet vigjilent përsa i takon talenteve të rinj. Ekipi i kaltër ka hedhur sytë nga sulmuesi Odsonne Edouard, që aktivizohet me skuadrën e Celtic. 21-vjeçari ka tërhequr vëmendjen e vëzhguesve të skaudrës së drejtuar nga Ancelotti, të cilët po e monitorojnë nga afër futbollistin. Për t’ia shkëputur sulmuesin klubit skocez, italianët duhet të bëjnë gati një ofertë prej rreth 40 milionë eurosh, pasi kjo është shifra që Celtic kërkon për të lënë të lirë Edouard.