Napoli tronditet para Milanit, me të cilin do të përballet këtë fundjavë në kampionat. Sulmuesi kryesor i të kaltërve, Victor Osimhen ka ardhur i dëmtuar nga grumbullimi me kombëtaren dhe nuk do të jetë në dispozicion të Spallettit.
Lajmin e ka dhënë vetë klubi i kaltër që sqaron se Osimhen ka një problem muskulor dhe javën e ardhshme do të monitorohet për të parë kur mund të rikthehet në fushë.
Lexo edhe:
- Acerbi: Shpresoj të qëndroj te Inter, por çfarë ka për të ndodhur le të ndodhë!
- Onana në “orbitën” e Chelsea, Inter projekton ish-shokun e Asllanit
- Abraham, te Chelsea? “Kurrë mos thuaj kurrë”
- Shpenzoi 52 milionë euro, Liverpool humbet mesfushorin me parametra zero
E nëse kjo sfidë nuk përbën shumë problem për napolitanët, pasi kryesojnë bindshëm kampionatin, Spallettin e shqetëson fakti që mund të detyrohet të luajë pa Osihmen edhe ndeshjen e parë të çerekfinaleve të Championsit, sërish ndaj kuqezinjve.
Për momentin i avantazhuar për të zëvendësuar sulmuesin nigerian, është argjentinasi Simeone, i cili veçanërisht në Ligën e Kampionëve ka bërë shumë mirë dhe tani është gati të shënojë e të udhëheqë skuadrën edhe në kampionat.
