Samir Nasri është një nga emrat më të lakuar në merkaton e verës. Duke qenë një lojtar i lirë pas përfundimit të aventurës me West Ham, mesfushori francez ka marrë një sërë ofertash nga Marseille, Olympiacos, Lazio të cilat për momentin nuk i ka marrë parasysh. Së fundmi, 32-vjeçari po vlerëson mundësinë për t’u zhvendosur në Dubai ku ekipi i Al Ahli i ka bërë një ofertë prej 4 milionë euro në vit për 2 sezonet e ardhshme. Nasri duket i joshur nga një propozim i tillë por nuk përjashtohet edhe mundësia që lojtari francez të luajë edhe në Kinë apo në SHBA ku nuk i mungojnë ofertat.
