Pre-season në Nba vazhdon edhe pse në mbrëmjen e të enjtes u luajtën vetëm 2 sfida. Vijojnë në mënyrën më të mirë përgatitjet për sezonin e ri Los Angeles Clippers dhe Dallas Mavericks. Në “Staples Center”, Clippers fituan derbin kalifornian ndaj Sacramento Kings me shifrat 104-87, për meritë edhe të Blake Griffin autori i 18 pikëve në total.
Zhgënjeu Atlanta Hawks që u mposht brenda në Georgia nga Dallas Mavericks. Për të regjistruar fitoren e 2-të radhazi në ndeshjet parasezonale këtë herë me shifrat 108-94, teksat iu falën porto-rikanit 23-vjeçar Gian Clavell i cili shënoi 19 pikë.
