Një mbrëmje e pasur me ndeshje në NBA e që nisi me dominimin e Detroit Pistons 127-106 përballë Sacramento Kings, falë lojës në grup që u reflektua me plot 7 basketbollistë vendës me numër dyshifror pikësh. Më i miri rezultoi Christian Wood me 23 pikë, ndërsa Derrick Rose shtoi 22 pikë të tjera dhe 11 asiste për Pistons, që gjithsesi mbeten jashtë zonës play off në Lindje, me një fitore më pak e katër humbje më shumë se Brooklyn Nets.
Karl-Anthony Towns i ndie i vetëm në përballjen mes Minnesota Timberwolves dhe Chicsgo Bulls, pasi 40 pikët e tij dhe 25 të Wiggins nuk mjaftuan për të rrëmbyer fitoren në “United Center”, ku vendasit fituan me rezultatin 117-110.
Kampionët në fuqi të NBA, Toronto Raptors, bënë detyrën më shtëpi përballë Philadelphia 76ers, duke fituar 107-95, me më të mirin mbi parket VanVleet, autor i 22 pikëve, 5 “rebound” dhe 8 asisteve.
Sukses edhe për Boston Celtics, që iu imponuan 119-95 Memphis Grizzlies, me plot 6 basketbollistë me numër dyshifror pikësh, mes të cilëve spikati Tatum me 27 pikë e 7 “rebound”. Për Grizzlies ishin shumë pak 16 pikë dhe 13 “rebound” të Valanciunas.
Fitore pa shumë mundim për Los Angeles Lakers 92-100 në parketin e New York Nicks, me dyshen James-Davis që realizoi 59 pikë në total. Për kalifornianët, që kryesojnë në Konferencën e Perëndimit, bëhet fjalë për suksesin e 35-të në 44 ndeshje në total.
Një nga sfidat më spektakolare të mbrëmjes u zhvillua në “Airlines Arena” të Miamit, ku Heat kaluan vetëm pas kohës shtesë 134-129 Washington Wizards (koha e rregullt 118-118). Spikati për vendasit Bradley Beal me 38 pikë, 9 “rebound” e 5 asiste.
Houston Rockets tregojnë forcën përballë Denver Nuggets, duke fituar me rezultatin 121-105. pas 4 humbjeve radhazi. “Triple double” për serbin Nikola Jokic (19 pikë, 12 “rebound” e asiste), por që nuk mjaftoi para efikasitetit të Russell Westbrook dhe James Hardem, që shënuan respektivisht 29 dhe 28 pikë.
Rezultatet:
Orlando Magic – Oklahoma City Thunder 114-120
Toronto Raptors – Philadelphia 76ers 107-95
Detroit Pistons – Sacramento Kings 127-106
Atlanta Hawks – Los Angeles Clippers 102-95
Miami Heat – Washington Wizards 134-129
New York Knicks – Los Angeles Lakers 92-100
Boston Celtics – Memphis Grizzlies 119-95
Chicago Bulls – Minnesota Timberwolves 117-110
Houston Rockets – Denver Nuggets 121-105
Phoenix Suns – Indiana Pacers 87-112
New Orleans Pelicans – San Antonio Spurs 117-121
Golden State Warriors – Utah Jazz 96-129
