Cleveland reagon menjeherë pas humbjes me Miami Heat. Nën udhëheqjen e LeBron James Cavaliers triumfuan 105 – 118 në parketin e Charlotte Hornets, që duket se do të ketë të vështirë të sigurojë pjesëmarrjen në play off. “Mbreti” James realizoi 41 pikë, 8 asiste dhe 10 rikuperime, duke barazuar rekordin e legjendës Michael Jordan me 886 ndeshje radhazi me 10 a më shumë pikë të shënuara. Hornets rezistuan mirë deri në mesin e periodës së dytë, kur Cavs shtuan ritmin, duke e mbyllur pjesën e parë me 10 pikë diferencë, 54 – 64, ndërsa në dy periodat e fundit e administruan lehtë avantazhin, për të fituan në fund me 13 pikë më shumë.
Fiton edhe Boston Celtics me rezultatin 94 – 97 në parketin e Utah Jazz. Miqtë ishin në disavantazh gjatë gjithtë periodës së katërt me përbysjen që erdhi në minutat e fundit. Mithcell shënoi 22 pikë për Jazz, por 21 npikët e Brown morën më shumë vlerë për Celtics.
Minnesota Timberwolves triumfoi 126-114 ndaj Atlanta Hawks, ku thuajse gjysmën e pikëve në këtë fitore të vendasve e realizoi Karl-Anthony Towns. Plot 56 pikë dhe 15 rikuperime, ishin këto shifrat e 22-vjeçarit, një rekord më vete për skuadrën nga Menneapolis, pasi askush në historinë e kësaj skuadre nuk ka arritur këto statistika.
Në takimet e tjera u arritën këto rezultate:
Orlando Magic – Brooklyn Nets 104-111, Philadelphia 76ers – New York Knicks 118-101,
Memphis Grizzlies – Portland Trail Blazers 108-103, Phoenix Suns – Los Angeles Clippers 99-111 dhe Los Angeles Lakers – Dallas Mavericks 103-93.
