Connect with us

Hi, what are you looking for?

Basketboll

NBA, Lakers nuk ngrejnë “kokë”, fitojnë Warriors e Rockets!

Nuk ka dritë në fund të tunelit për Los Angeles Lakers. Sipas të gjitha gjasave për herë të parë në karrierën e tij LeBron James do të mbetet jashtë fazës play-off në NBA, pasi as prania e tij në parket nuk po rikthen kalifornianët në rrugën e duhur. Lakers u mposhtën edhe nga Memphis Grizzlies në Teneesee me rezultatin 110-105, duke pësuar humbjen e 2-të radhazi dhe të 7-ën në 10 ndeshjet duke rrëshiktur madje në vendin e 11-të të konferencës së Perëndimit. 32 pikët e Brandon Ingram por edhe triple-double i mbretit James i cili koleksioni 24 pikë 11 asiste e 12 rikuperime, ishin gjithsesi të pamjaftueshme p[ër Lakers. Humbja përballë një skuadre si Memphis që vinte në këtë ndeshje nga 4 disfata radhazi dhe nuk lufton pothuajse për asgjë, ishte një sinjal tregues se kualifikimi në play-off është një mision thuajse i pamundur për LeBron me shokë.

U rikthye te fitorja Golden State Warriors, që vazhdon të kryesojë në Perëndim. Në suksesin 121-110 në transfertën ndaj Charlotte Horntes, diferencën e bëri dyshja Thomspon-Cousins të cilët realizuan sëbashku 50 pikë. Kjo ishte fitorja e 43-të për kampionët në fuqi të NBA në 60 takime.

Vazhdon kriza e San Antonio Spurs që u mposht lehtësisht në Neë York, nga Brooklyn Nets, duke zbritur në vendin e 8-të të konferencës së Perëndimit. 26 pikët e Aldrige nuk i mjaftuan skuadrës teksane për të evituar humbjen e 7-të në 8 sfidat e fundit ndërkohë që në krahun tjetër ai që po udhëheq Brooklyn drejt fazës play-off në Lindje është talenti D’Angelo Russell i cili spikati edhe këtë herë me 23 pikë 8 asiste dhe 7 rikuperime. San Antonio nëse vazhdon me këto ritme me shumë gjasa do të mbetet jashtë zonës play-off.

Fitore jo shumë e vështirë për Houston Rockets me rezultatin 119-111 ndaj Atlanta Haëks. James Harden u mjaftua me 28 pikë në këtë ndeshje,  sfidë në të cilën shkëlqeu sërish Trae Young. 20-vjeçari i cili ishte zgjedhja e 5-të e draftit të këtij viti po konfirmohet si nga një yjet e rinj të NBA, teksa në këtë sfidë arriti të koleksiononte plot 36 pikë dhe 8 asiste, ndërkohë që po ruan vazhdimësinë në këtë sezon duke treguar se ka aftësi të jashtëzakonshme. Një Steph Curry i ri po lind dhe ai është Trae Young.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...