Cleveland Cavaliers shkatërruan 128–93 Toronto Raptors dhe sigurojnë finalen e Konferencës së Lindjes pa pësuar qoftë një humbje ndaj ekipit kanadez, që e mbylli sezonin e rregullt në vendin e parë. Në parketin e “Quicken Loans Arena” të Clevelandit LeBron James me shokë dhuruan spektakël, sidomos gjatë pjesës së dytë, duke mos e vënë në diskutim për asnjë moment suksesin, aq sa diferenca me rënien e sirenës për përfundimin e përballjes së katërt të serisë ishte e frikshme, plot 35 pikë. LeBron James nuk heq dorë nga të qenit lider, duke shënuar 29 pikë, dhënë 11 asiste dhe kontrolluar 8 topa poshtë koshit, ndërsa Kevin Love shtoi edhe 23 pikë të tjera për Cavs.
Philadelphia 76ers triumfuan 103-92 ndaj Boston Celtics, duke ndezur një fije shprese për një përmbysje të madhe, teksa seria e gjysmëfinaleve shkon në 3-1. Në “Wells Fargo Center” të Philadephias përpallja nisi e ekuilibruar, me Celtics që morën përkohësisht kryesimin në fillim të periodës së dytë, por u fikën me kalimin e minutave, duke u dhënë mundësi 76ers të që në fillim të periodës së fundit të krijonin në distancë prej 18 pikësh, e mjaftueshme për të marrë fitoren e parë të serisë. Për vendasit spikati Dario Saric me 25 pikë, ndërsa për Celtis nuk mjaftoi Jayson Tatum, që e mbylli takimin me 20 pikë. Sfida e pestë e serisë zhvendoset në TD Garden të Bostonit.