Connect with us

Hi, what are you looking for?

Basketboll

NBA/ Miami e nis me humbje, fitore me vuajtje për Boston e Sacramento

Denver Nuggets-Sacramento Kings ka qenë një nga sfidat më spektakolare të javës së parë në NBA, me miqtë që ia dolën të triumfojnë me vetëm 2 pikë diferencë, vetëm pas luajtjes së kohës shtesë, pasi koha e rregullt përfundoi në barazim 112-112.

Në “Ball Arena” të Denverit, sfida nisi shumë mirë për Nuggets, të cilët të udhëhequr edhe nga forma mjaft e mirë e serbit Jokiç, arritën të fitojnë fraksionin e parë dhe të dytë, por gabuan totalisht në të tretin, që foli për miqtë e Sacramento Kings.

Vendasit u kthyen mirë në lojë në pjesën e fundit dhe arritën të rikthejnë baraspeshën, duke çuar ndeshjen në kohën shtesë, aty ku u duk se Denver do të merrte fitoren, pasi në një moment rezultati shkoi 122-118, por në mënyrë surprizë Sacramento shënoi 6 pikë në momentet e fundit dhe përmbysi gjithçka.

Pas humbjes dje të kampionëve në fuqi Los Angeles Lakers, dështoi në ndeshjen e parë edhe skuadra finaliste, Miami Heat, që u mposht me rezultatin 113-107 në transfertën ndaj Orlando Magic.

Në “Amway Center” të Orlandos, pjesa e parë dhe e tretë shkuan në favor të Miamit, por dy të tjerët në favor të vendasve, të cilët fraksionin e fundit e fituan me 10 pikë diferencë dhe ia dolën ta nisin mbarë sezonin.

Një tjetër sfidë mjaft interesante ishte edhe ajo e zhvilluar në “TD Garden” të Bostonit, me Celtics që fituan me vetëm 1 pikë diferencë ndaj Milwaukee Bucks, me shifrat finale 122-121. Greku Antetokounmpo ishte sërish protagonist për Bucks, me 35 pikë të shënuar, 13 topa të rikuperuar dhe 2 asiste, ndërsa për vendasit spikatën Brown dhe Tatum.

Kanadezët e Toronto Raptors e nisën me humbje sezonin, pasi u mposhtën 99-113 nga New Orleans Pelicans, në një sfidë ku kamerunasi Siakam nuk arriti të ngjitet në nivelin e pritshmërive dhe e mbylli me vetëm 20 pikë të shënuar.

Ndërkohë kamerunasi tjetër Joel Embiid u shfaq protagonist me 29 pikë, 14 topa të rikuperuar dhe 2 asiste, duke ndihmuar që Philadelphia 76ers ta nisë sezonin me fitore 113-107 ndaj Washington Wizards.

Në ndeshjet e tjera, San Antonio Spurs triumfoi me shifrat 119-131 në transfertën ndaj Memphis Grizzlies, e udhëhequr nga dyshja DeRozan-Murray, ndërsa Cleveland Cavaliers mposhti 121-114 Charlotte Hornets.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...