Connect with us

Hi, what are you looking for?

Basketboll

NBA, rikthehen Durant e Curry, Warriors kalojnë Lakers, Oklahoma në krizë

Një spektakël i vërtetë basketbolli në Staples Center me Los Angeles Lakers që për një natë luajti si e barabartë përballë skuadrës më të mirë të NBA-së duke u kthyer në vëmendje tifozëve të saj kohët e arta, kur kalifornianët thoshin fjalën e tyre në garën për titull. Në fund gjithsesi festoi Golden State. Kampionët në fuqi iu falën dyshes së rikthyer nga dëmtimi Durant-Curry për të triumfuar pas kohës shtesë me rezultatin e ngushtë 127-123, megjithatë për Lakers mbetet krenaria se në këtë sezon situata në skuadër nuk është aq dramatike sa në vitet e fundit. 29 pikë realizoi Kevin Durant ndërsa Curry shtoi 28 të tjera në suksesin e Warriors me Golden State që regjistroi fitoren e 16-t sezonale duke i ushtruar presion Houstonit në garën për vendin e parë në Konferencën e Perëndimit. Pikëshënuesi më i mirë i ndeshjes ishte Ingram me 32 të tilla, por pikët e tij nuk u mjaftuan Lakers-ave për të evituar disfatën numër 13 në këtë sezon. Tashmë janë 6 fitoret radhazi. Te Houston Rockets duhet të ndihen krenarë që kanë në skuadër një basketbollist si James Harden. Mjekëroshi bëri edhe njëherë tjetër raketën e vërtetë të teksanëve teksa me 29 pikë 10 asiste dhe 8 rebound, udhëhoqi Houstonin drejt një fitoreje të lehtë ndaj Indiana Pacers me shifrat 118-97. Në krizë të plotë Oklahoma City Thunder që pësoi humbjen e 3-t radhazi dhe të 5-tën në 6-të ndeshjet e fundit. Kualifikimi në play-off do të jetë një mision i vështirë për City Thunder në këtë sezon kur shikon që Oklahoma edhe me një Rusell Westbrook në superformë mposhtet keqazi nga Orlando Magic. Në Florida triumfuan vendasit me rezultatin 121-108 me Orlandon që flaku tutje krizën që e kishte përfshirë duke u rikthyer te suksesi pas 9 humbjeve rresht. E pamjaftueshme paraqitja pozitive e Rusell Westbrook për Oklahomën me yllin e City Thunder që koleksionoi në total 37 pikë 11 rebound dhe 5 asiste. Thjeshtë i mrekullueshëm Aaron Gordon në krahun tjetër me yllin e Orlandos që realizoi 40 pikë ndërsa i ndihmoi të tijët edhe me 15 rebound dhe 4 asiste.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...