Përcaktohet edhe skuadra e fundit e Konferencës së Perëndimit në NBA që do të marrë pjesë në fazën play off. Ajo është Minnesota, që në raundin e fundit të sezonit të rregullt mposhti në përballjen direkte për vendin e tetë Denverin, duke u kthyer në play off pas plot 14 vitesh. Në “Target Center” të Minneapolisit kjo përballje i përmbushi pritshmëritë. Drithëruese dhe plot emocione, me fituesin që u vendos vetëm në kohën shtesë. 112 – 106 përfundoi ky takim, teksa koha e rregullt ishte mbyllur në barazim 101 – 101. Eksperienca e Timberwolves u shpërblyer me një fitore historike, që i kthen mes skuadrave më të mira të Perëndimit. 35 pikë, 3 asiste dhe 10 rikuperime realizoi Jokic për Nuggets, por Butler dhe Towns u kundërpërgjigjën respektivisht me 31 dhe 26 pikë, duke rezultuar më të rëndësishëm për skuadrën e tyre.
Në duelin për vendin e tretë në Perëndim, Portland dominoi ndaj Utah Jazz me rezultatin 102-93, falë Damian Lillard që shpërtheu me 36 pikë dhe 10 asiste, ndërsa McCollum shtoi edhe 19 pikë të tjera për Blazers.
Oklahoma City Thunder ruajtën vendin e katërt pasi fituan 137-123 me Memphis Grizzlies. Në “Chesapeake Energy Arena” skenën e rrëmbeu Paul George me 40 pikë, duke fituar edhe duelin me kundërshtarin e tij Brooks, që realizoi jo pak por 36 pikë.
Rezultatet:
Philadelphia 76ers – Milwaukee Bucks 130-95
Oklahoma City Thunder – Memphis Grizzlies 137-123
Cleveland Cavaliers – New York Knicks 98-110
Boston Celtics – Brooklyn Nets 110-97
Minnesota Timberwolves – Denver Nuggets 112-106
Chicago Bulls – Detroit Pistons 87-119
Miami Heat – Toronto Raptors 116-109
New Orleans Pelicans – San Antonio Spurs 122-98
Orlando Magic – Washington Wizards 101-92
Portland Trail Blazres – Utah Jazz 102-93
Los Angeles Clippers – Los Angeles Lakers 100-115
Sacramento Kings – Houston Rockets 96-83
Në përfundim të sezonit të rregullt u përcaktuan zyrtarisht edhe 8 çiftet e play off-it, 4 për çdo konferencë.
Konferenca e Lindjes
(1) Toronto Raptors – (8) Washington Wizards
(4) Cleveland Cavaliers – (5) Indiana Pacers
(3) Philadelphia 76ers – (6) Miami Heat
(2) Boston Celtics – (7) Milwaukee Bucks
Konferenca e Perëndimit
(1) Houston Rockets – (8) Minnesota Timberwolves
(4) Oklahoma City Thunder – (5) Utah Jazz
(3) Portland Trail Blazers – (6) Neë Orleans Pelicans
(2) Golden State Warriors – (7) San Antonio Spurs
