Toronto Raptors fluturon me dyshen Leonard-Siakam. Skuadra kanadeze mposhti 118-112 Milwaukee Bucks pas 2 kohëve shtesë në finalen e tretë të Lindjes dhe ngushton serinë në 2-1 me ndeshje. Duke patur parasysh faktin që edhe sfida e 4-t finale mes tyre do të luhet në Scotiebank Arena të Torontos, tashmë kanadezët kanë mundësinë të barazojnë serinë dhe ta ndezin më shumë luftën për finalen e madhe të NBA.
Ishte një sfidë vërtet spektakolare e ajo mbrëmjes së të dielës. Ndeshja nisi më mirë për Raptors që e mbyllën periodën e parë në avantazhin e 9 pikëve. Megjithatë tre periodat e tjera ishin të gjitha në favor të miqëve nga Milëaukee që rikuperuan pikë të rëndësishme derisa sa barazuan rezultatin në 96-96. Për të përcaktuar skuadrën fituese u desh të luheshin dy kohë shtesë, me Toronton që u tregua më efikase para koshit në 5 minutat e fundit duke arritur një fitore të madhe.
Kawhi Leonard ishte heroi i padiskutueshëm i kanadezëve me 36 pikë 5 asiste dhe 9 rebound. Një ndihmë të madhe në këtë fitore, Raptors e morën edhe nga kamerunasi Siakam që koleksioni në total 25 pikë dhe 11 rebound. Te Milwaukee me yllin Antetokounmpo që shkëlqeu vetëm poshtë tabelës me plot 23 rikuperime, pikëshënuesi më i mirë ishte Hill me 24 pikë, të pamjaftueshme gjithsesi për të evituar humbjen.