Në takimet e radhës në NBA pritej me shumë interes përlasja mes dy kryesuesve të Konferencës së Perëndimit, Houston Rockets dhe Golden State Warriors. Kampionia në fuqi e kampionatit më elitar në glob, triumfoi në “Toyota Center” 114 – 124, pavarësisht së nuk kishte në përbërje për këtë përballje Kevin Durant. Në fakt, vendasit e ndien më shumë mungesën e James Harden, që duhet të qëndrojë dy javë jashtë skuadrës për shkak të një problemi fizik. Ndeshja u vendos në periodën e fundit, falë dyshesh Curry – Green. Nëse i pari shënoi 29 pikë, një më pak se Gordon i Rockets, Draymond Green, përveçse realizoi 17 pikë, spikati me 14 rikuperime dhe 10 asiste. Për Warriors, që marrin kryesimin në Perëndim, kjo ishte fitorja e nëntë radhazi në transfertë.
Oklhoma City Thunder ndërpret serinë e fitoreve radhazi të Los Angeles Clippers, duke i mposhtur 117-127 kalifornianët brenda në “Staples Center”. Pas një epërsie të lehtë të vendasve thuasje gjatë dy periodave të para, pjesa e parë u mbyll në barazim 64 – 64. Diferenca nisi në fillim të periodës së katër me një rezultat të pjesshëm 12 – 0 në favor të Thunder. “Triple double” i radhës për Russell Westbrook: 29 punti, 12 rikuperime dhe 11 asist. Paraqitje shumë e mirë edhe e Paul George, që e mbylli me plot 31 pikë të shënuara. Për fat të keq, Clippers humbën Teodosic pas vetëm 9 minutave lojë, ndërsa përpjekjet e DeAndre Jordan dhe Lou Williams, që realizuan nga 26 pikë, ishin të pamjaftueshme përballë Thunder.
