Atletico e Madridit humb nga “yjet” e së shkuarës. Bëhet fjalë për José Pachecon, ish-portier i bardhekuqve, i cili u nda nga jeta në moshën 75-vjeçare, në Santander (vendlindja e tij), teksa po ndiqte ndeshjen mes Portugalisë dhe Spanjës. Ish-portieri i Atléticos do të hyjë në histori si “gardiani” që skaliti titullin më të rëndësishëm në historinë e klubit, Kupën Ndërkontinentale (edhe pse titullar i zakonshëm ishte Reina), e fituar në viti 1975 përballë Indipendientes.
Nuk ishte i vetmi trofe i madh i ngritur nga Pacheco, që gjithashu fito tri La Liga dhe dy Kupa gjatë 11 viteve që mbrojti portën e Atléticos.
Në fakt, këto trofe e bëjnë portierin me më shumë tituj në historinë e klubit, pavarësisht se nuk ishte titullar i rregullt i rregullt për shkak të pranisë së Rodrit dhe Reinas. Ai la mbresa me përkushtimin e tij tek Atletico përpara se ta vazhdonte karrierën e tij te Racing Santander, Logrones dhe Getafe.
Pasi vari dorezat e portierit, qëndroi për të jetuar në Logroño, ku punoi për dy dekada si komentues i ndeshjeve të skuadrës ku kishte luajtur. Pavarësisht gjithçkaje, Pacheco do të hyjë në histori si portieri titullar në finalen e famshme Interkontinentale.