Ish-sulmuesi i Athletic Bilbaos, Jose’ Francisco “Txetxu” Rojo Arroita, është ndarë nga jeta në moshën 75-vjeçare. Këtë e raporton shtypi spanjoll. Për 17 vjet ai veshi fanellën e klubit bask me të cilin luajti 514 ndeshje zyrtare nga viti 1965 deri në vitin 1982, duke shënuar 68 gola. Ai është lojtari i dytë me më shumë ndeshje të luajtura, pas vetëm Iribarit (614).
Më 26 mars 1969 ai bëri debutimin e tij me kombëtaren spanjolle, duke dalë në fushë në Valencia në ndeshjen e fituar 1-0 kundër Zvicrës. Ai numëron 18 paraqitje dhe tre gola me “La Rojan”. Fitoi dy Kupa të Spanjës në 1968-69 dhe 1972-73. Ndeshjen e fundit për kombëtaren e ka luajtur më 15 nëntor 1978 në fitoren 1-0 kundër Rumanisë. E filloi karrierën si trajner në vitin 1986 dhe në 1989 drejtoi Athletic Bilbao për një sezon për t’u rikthyer në pankinën baske në vitin 2000.