Ish-lojtarja e përfaqësueses braziliane të volejbollit, Ana Paula Borgo, ka ndërruar jetë këtë të enjte, në moshën 29-vjeçare, si pasojë e një sëmundjeje të rëndë (kancer), njoftoi klubi i saj.
“Fluminense shpreh keqardhje të thellë për vdekjen e Paula Borgos, e cila nderoi ngjyrat e volejbollit Tricolor në sezonin 2019-2020”, ka publikuar në rrjetet sociale klubi i Rio de Zhaneiros, i fundit ku e ndjera performoi në Brazil para se të nisej për në Evropë.
Lexo edhe:
- Kahn: Muller nuk do largohet nga Bayern, do e bind unë të qëndrojë
- Roma pranë goditjes së dytë në merkato, arrihet akordi me mbrojtësin francez
- 500 ndeshje me fanellën bardhezi, Bonucci: I lumtur që kam bërë histori me Juven
- Mourinho lartëson autorin e golit: Është i pjekur si një 30-vjeçar
Shtatorin e kaluar, Borgos iu zbulua një tumor në stomak gjatë periudhës së provës për të nënshkruar me Baruerin, klubin me të cilin do të luante në Superligën braziliane pas kthimit nga Bergamo në Itali.
Pas largimit nga Fluminense, ajo luajti për ekipet turke Kale dhe Nilufer.
Me përfaqësuesen e Brazilit, Borgo ishte nënkampione e Ligës së Kombeve në vitin 2019 dhe fitoi Paraolimpiadën për Lojërat e Tokios, pa harruar faktin që fitoi Kupën e Botës U-23 në Turqi, në vitin 2015.
