I gjithë fokusi i PSG-së është te dueli ndaj Bayern Munchen. Kampionët e Francës kërkojnë kualifikimin në çerekfinalet e Champions League. Për të realizuar këtë objektiv duhet përmbysur humbja 0-1 në “Parc des Princes”.
Portugezi Danilo Pereira beson te fitorja në Gjermani. Në një prononcim për AFP, 31-vjeçari deklaroi: “Ne kemi ndryshuar. Jemi gati mendërisht për sfidën ndaj Bayernit. Por edhe fizikisht jemi shumë mirë.
LEXO EDHE:
- Të shtëna dhe mesazh kërcënues për Messin më Argjentinë
- Roma po kërkon një zëvendësues për Rui Patricion
- Camavinga pranë rekordit absolut që mbahet nga bashkëkombësi i tij
- Ramsdale e pranon: Nuk kemi qenë më parë në këtë situatë, luajmë sikur jemi në vend të 10-të
Kemi biseduar shumë me njëri-tjetrin, me trajnerin dhe stafin teknik. Momentin e vështirë e lamë pas, pasi folëm gjatë për atë që duhet të kishim bërë dhe për gjërat që nuk i kemi bëmë mirë.
Si kualifikohemi? E thjeshtë, humbja na nxjerr jashtë, fitorja na dërgon në çerekfinale. Duhet të shkojmë në Mynih me mentalitetin për të dhënë gjithçka. Njësoj siç bëmë ndaj Marseille”, deklaroi Pereira.
