Manchester City vetë 180 minuta larg triumfit në Premier League, që do të ishte i dyti radhazi nën drejtimin e Pep Gurdiolës. Citizens rimorën kryesimin e kampionatit, pasi fituan 0-1 në fushën e Burnley-t, e tashmë kanë vetëm dy pengesat e fundit për t’u kurorëzuar kampionë të Anglisë.
Skuadra e Pep Guardiolës u tregua shumë e kujdesshme në stadiumin “Turf Moor”, pa hyrë në asnjë moment në aventurë, derisa e gjeti golin e epërsisë në minutën e 63-të me Sergio Agueron, që u gjend në kohën dhe vendin e duhur për të zhbllokuar takimin.
Përpjekjet e Burnley-t për të surprizuar portierin Ederson rezultuan të paefektshme, me Citizens që iu gëzuan tri pikëve të radhës.
Në dy javët e fundit Manchester City do të përballet me Leicester City-n në “Etihad” dhe me Brightonin në transfertë.