Itali

Ndaj Fiorentinës ndeshja e fundit, Juventus mbyll marrëveshjen me sulmuesin

Juventus mbyll sezonin këtë fundjavë në transfertë ndaj Fiorentinës. Një takim i cila nuk ka ndonjë rëndësi për bardhezinjtë të cilët kanë siguruar pjesëmarrjen në Champions League për sezonin e ardhshëm. Megjithatë, kjo sfidë do të prodhojë emocione të veçanta për Federico Bernadeschin i cili zyrtarisht do të veshë për herë të fundit fanellën bardhezi.

Kur i kishte mbetur edhe një vit kontratë, sulmuesi anësor dhe klubi kanë mbyllur marrëveshjen me konsensus, ndërsa pas Chiellinit dhe Dybalës, ky do të jetë largimi i tretë nga Zonja e Vjetër që në verë duket se do të nisë një revolucion për t’u rikthyer sërish kompetitiv në sezonin pasardhës.

Bernadeschi u transferua te Juventus në vitin 2017 nga Fiorentina (i jep fund aventurës bardhezi në ndeshjen kundër ish-ekipit të tij), por që në asnjë moment nuk ia doli të përmbushte pritshmëritë e drejtuesve të cilët në atë kohë shpenzuan 40 milionë euro. Mungesa e vazhdimësisë prej dëmtimeve të shpeshta, penalizuan sulmuesin që tashmë duhet të kërkojë një tjetër akomodim për sezonin pasardhës.

 

Eventet Sportive në SuperSport

Të Fundit

EVENTET NË SUPERSPORT

To Top
Evolve Web Agency Evolve Web Agency