Trajneri i Holandës, Louis van Gaal ka vlerësuar Robert Lewandowskin para duelit që ekipi i tij do të luajë kundër Polonisë, në kuadër të Nations League.
Duke folur në konferencën për mediat, tekniku u shpreh se 34-vjeçari është sulmuesi më i mirë në botë.
“Mendoj se Robert Lewandowski është sulmuesi më i mirë në botë”,-tha holandezi.
Van Gaal, i cili doli para mediave së bashku me Frenkie de Jong, vlerësoi gjithashtu mesfushorin e Barçës, pasi lojtari mbaroi së foluri.
“Frenkie ia doli shumë mirë, apo jo? Ai duket shumë i relaksuar, me një buzëqeshje të këndshme. Fantastik. E admiroj”,-ka shpjeguar ai me shaka para gazetarëve.
Ish-trajneri i Barcelonës theksoi se ndaj Polonisë do të luajë formacioni që do të luajë në Botërorin Katar 2022.
“Mendoj se kundër Polonisë do të shihni të njëjtët lojtarë që do të shihni në Kupën e Botës”,-shpjegoi trajneri.
