Lajme

Ndarja nga jeta e Vokrrit, reagon edhe klubi turk Fenerbahce

Eksperienca në klubin turk të Fenerbahces ishte një nga arritjet më të mëdha të Fadil Vokrrit, në karrierën e tij si futbollist. Kreu i FFK-së, i ndarë nga jeta në mënyrë të papritur mëngjesin e sotëm, ka luajtur me klubin turk në vitet 1990-1992, ku në 43 ndeshje, shënoi 13 gola.

Sapo është mësuar lajmi për ndarjen nga jeta të tij, klubi i Fenerbahces ka reaguar menjëherë në faqen zyrtare, ku ka shprehur ngushëllimet familjarëve të Vokrrit, për humbjen e tij.

“Ne jemi thellësisht të pikëlluar, pasi mësuam se kreu i Federatës së Futbollit në Kosovë dhe njëkohësisht ish lojtari ynë në vitet 1990-1992, është ndarë nga jeta në spital, mëngjesin e sotëm. Duam t’i shprehim ngushëllimet më të thella familjarëve dhe miqve të tij, dhe t’u themi se ndajmë të njëjtin pikëllim me ta”, thuhet në komunikatën e klubit turk.

To Top