Ballkani triumfoi me rezultatin 0-3 në transfertën e prapambetur ndaj Llapit. Të besuarit e trajnerit Ilir Daja u rikthyhen te tre pikët pas barazimit me Trepçen ndërsa në sfidën ndaj Llapit evituan hapat fals.
Ballkanit ia bëri punën më të lehtë goli i realizuar në pjesën e parë nga ana e Albion Rrahmanit, ndërsa në fraksionin e dytë, në harkun e tre minutave erdhën edhe golat nga ana Thaqit e Korenicës.
Pas këtij suksesi, Ballkani ngjitet në vendin e dytë të klasifikimit me 37 pikë, një më pak se kryesuesit e Dritës që duhet thënë se kanë një ndeshje më shumë. Nga ana tjetër, Llapi mbetet në vendin e gjashtë me 20 pikë.
