Kombëtarja shqiptare ndodhet në Pragë, ku mbrëmjen e kësaj të enjteje do të ndeshet me Republikën Çeke për kualifikueset e EURO 2024, sfidë që transmetohet live në “SuperSport 2”/Digitalb.
Gazetari i SuperSport, Elvis Rexha, që do jetë me ne në një maratonë transmetimi në “Sport News” nga Praga, na tregon nga afër se si po pritet kjo ndeshje nga “lojtari i 12-të”, tifozët e Kombëtares “kuqezi”.
Lexoni edhe:
- Ëndrra Euro 2024/ “Shqiponjat Kuqezi” sfidojnë Çekinë, Sylvinho skicon formacionin
- Verratti e mbyll me PSG-në, mesfushori zbarkon në Katar
- Franca një hap larg kualifikimit, Holanda kërkon kthesën ndaj Greqisë
- Ulja spektakolare e masës së pagave, Barcelona “shkëlqeu” në merkato
Një nga tifozët e Kombëtares, Juljan Tereziu, theksoi se skuadra luan shumë mirë, ndërsa shtoi se tifozeria do të dhurojë spektakël sot në Pragë.
Tifozët në Pragë: “Në çdo ndeshje emocionet janë të ndryshme, ndërsa këtu na duket vetja si në Tiranë. Tifozët kanë ardhur me autbosusa, makina apo avionë dhe kemi ardhur për Kombëtaren. Ekipi kombëtar na bashkon të gjithë diasporën dhe na jep emocione.”
Çfarë pret sot? “Kemi një skuadër dhe një grup shumë të mirë, skuadra luan shumë mirë.”
Surpriza: “Surpriza ka gjithmonë, tifozët kanë ardhur nga të gjitha anët dhe do të jemi aty për Kombëtaren. Do digjet Praga sot.”
