Iskra do të jetë mysafire e Laçit nesër në orën 20:00 në “Elbasan Arena”, ndërsa do të përballet për kualifikuesen e parë, të raundit të parë të Conference League.
Duke folur për mediat përpara kësaj përballjeje Ognjen Obradovic, kapiteni i skuadrës malazeze theksoi se e kanë studiuar mirë kundërshtarin, ndërsa shtoi se më shumë i tremben Mazrekaj si dhe Marko Roganovic dhe Dejan Zarubica.
“Kemi punuar shumë mirë në fazën përgatitore dhe nuk ka arsye të mos prezantohemi në mënyrën më të mirë. Kemi analizuar në detaje kundërshtarin me përshtypjen e përgjithshme se është një ekip shumë luftarak që nuk i shmanget as vrazhdësisë dhe kanë një strategji agresive, sidomos në fushën e tyre. Rreziku më i madh për ne është nga krahu i majtë i Mazrekajt, Rogaanovic e Zarubica-s si dhe sulmuesit këmbëshpejtë afrikanë nëse shfaqen. Megjithatë, ne jemi fizikisht dhe mendërisht të gatshëm t’i përgjigjemi të gjitha veprimeve të tyre.”-tha Obradovic.
