Qeveria britanike i është përgjigjur kërkesës së klubit të Chelseas për të luajtur me dyer të mbyllura në ndeshjen çerekfinale të FA Cup kundër Middlesbrough, pas sanksionit që iu vendos “bluve” të Londrës për shkak të lidhjeve të Roman Abramovich me Vladimir Putin, të cilët ndalohen të marrin të ardhura nga biletat.
“Ne nuk jemi kundër faktit që Chelsea të ketë tifozë në stadium, por ne nuk do të lejojmë që të paratë e biletave të shkojnë në arkat e klubit. Chelsea duhet të shqetësohet më shumë shpëtimin nga duart e nkë personi që nxit luftë sesa në pasjen e mbështetësve në stadium. Një nga prioritetet tona është të ruajmë integritetin e ndeshjes dhe Celsea do të ketë një numër të kufizuar tifozësh në ndeshjen kundër Middlesbrough të dielën.”-ishte përgjigja që qeveria i ktheu klubit të “bluve” të Londrës raportojnë mediat britanike.
Chelsea është vënë para një sërë kufizimesh në të ardhura që nga momenti kur Rusia nisi pushtimin e Ukrainës, për shkak të lidhjeve të pronarit të saj me Putin, dhe tashmë klubi e ka të vështirë të përballojë edhe transportin me avion.