Bernardo Silva në këtë sezon është shndërruar në një prej lojtarëve kyç të Manchester Cityt. Portugezi ka shënuar dhjetë gola në të gjitha kompeticionet me “Qytetarët”, ndërsa trajneri Pep Guardiola e cilëson si një prej beniaminëve të tij. Megjithatë, jeta në Angli nuk ka qenë e thjeshtë për fantazistin i cili së fundmi ka zbuluar se në sezonin e kaluar kërkoi largimin nga Premier League pasi dihej i vetmuar dhe nuk ishte i lumtur.
“Në sezonin e kaluar po ndihesha i vetmuar këtu në Angli dhe nuk isha i lumtur me jetën time. Por, nëse nuk je i lumtur nuk bën as punën ashtu siç duhet. Unë isha mirë fizikisht, por nuk kisha më buzëqeshjen që më karakterizon zakonisht. Bisedova me klubin dhe i shpjegova drejtuesve se nuk isha i lumtur, doja të isha më pranë familjes sime.
Gjithsesi, fakti se kërkoja largimin nga Anglia nuk kishte të bënte aspak me Cityn, unë e dua këtë klub. Kam një marrëdhënie të shkëlyqer me shokët e skuadrës dhe me tifozerinë, në fund asgjë nuk ndodhi dhe unë jam sërish pjesë e Manchester City. Për këtë skuadër do të jap gjithnjë maksimumin”, u shpreh Silva.
