Jose Mourinho ka nevojë për një anësor të djathtë në merkaton e dimrit. Rick Karsdorp nuk mund të qëndrojë më te verdhekuqtë e Romës pas akuzave për tradhti nga ana e “Special One”, i cili pavarësisht se nuk i përmendi emrin, u tregua i ashpër me lojtarin holandez pas ndeshjes me Sassuolon.
Disa emra po përfliten për një transferim tek ekipi italian, ndërkohë që ka ardhur edhe një propozim nga Reali i Madridit. Kampionët e Spanjës dhe Europës, janë gati të huazojnë Alvaro Odriozolën, i cili e nhej Serie A pasi sezonin e fundit e kaloi në huazim te Fiorentina.
26-vjeçari, autor i katër ndeshjeve me kombëtaren spanjolle, nuk bën pjesë në planet e Carlo Ancelottit. Emri i tij është lidhur me një kalim te Juventusi kohë më parë, ndërkohë që tani shpreson të rikthehet në Serie A, por kësaj radhe si lojtar i Romës.
