Alain Giresse analizoi barazimin 1-1 ndaj Andorrës në “Fadil Vokrri”. Në prononcimin për emisionin “Dardanët” në SuperSport, trajneri francez i Kosovës deklaroi:
“Arsyet e dështimit sonte? Mendoj se nuk e gjetëm zgjidhjen. Na mungoi diçka për konkretizimin e rasteve. Edhe arbitri nuk mori vendimet e duhura. Ka shumë gjëra që kjo ndeshje përfundoi 1-1.
Ishim të vetëdijshëm që Andorra do të luante e ngjeshur pas. Kishim aksione, krijuam raste, por nuk ia dolëm të depërtonim për të shënuar e fituar.
Lexo edhe:
- VID’EO/ Vendos goli i Swiderskit, Sylvinho debuton me humbje te Shqipëria
- Qershori, muaji i rëndësishëm i kombëtares
- Gjasula: Ishim pa fat, jam shumë optimist për të ardhmen
- VIDEO/ Lojtarët e Perusë përleshen me policinë spanjolle, arrestohet portieri i kombëtares!
Pishman për zgjedhjet në formacion? Kam kërkuar të luanim më shpejt, dhe të liroheshim më shpejt. Na mungoi veprimi i fundit. Kjo gjë ndikoi.
A po e mendoj dorëheqjen? Është shumë herët të flitet, ende ka lojë. Ende ka pikë. Nuk mund ta quaj këtë punë të humbur. Mundësia e kualifikimit ekziston gjithmonë.
Qëllimi im të vazhdoj punën time këtu. Nuk më intereson mua se çfarë u kënaq juve. Mua më intereson të vazhdoj të punoj dhe të vazhdoj përpara”, theksoi Giresse.
VIDEO/ Kosovë e vakët, pikë zhgënjyese ndaj modestëve të Andorrës
