Pas një kalendari sfilitës me ndeshje shumë të vështira në letër, Kamza pret këtë fundjavë Lushnjën. Të dielën, në orën 14:00, sfida mes dy debutuesve të këtij sezoni do të japë shumë përgjigje për Kamzën, që ndaj skuadrave të ashtuquajtura të mëdha ka dhuruar paraqitje pozitive, por tashmë, Ramadan Ndreu kërkon përqëndrim edhe ndaj “lagunarëve”, që vijnë pas asaj disfate në Shkodër.
Kamza e tij po rritet duke fituar eksperiencë mes më të mirëve të futbllit shqiptar dhe Ndreu e pranon se me kalimin e javëve edhe puna e tij është bërë më e thjeshtë.
Vendi i 4-t me 17 pikë është një surprizë e ëmbël për të gjithë ambientin në Kamëz, por trajneri kërkon të mbajë skuadrën me këmbë në tokë edhe pse nuk e fsheh objektivin e tij kryesor, që është zona europiane.
