Juventusi po tenton të rinovojë me një nga lojtarët më të rëndësishëm. Flasim për Matthijs De Ligt, i cili ka edhe dy vite kontratë me rekordmenët e futbollit italian.
Qendërmbrojtësi holandez ka një klauzolë prej 120 milionë eurosh, të cilën agjentët e tij duan të heqin. Ndërkohë, drejtuesit e Juves po synojnë që 22-vjeçari të ulë pagën sezonale.
De Ligt përfiton rreth 12 milionë euro në sezon, ndërsa bardhezinjtë duan ta mbyllin akordin e ri me një shumë vjetore prej 7-8 milionë eurosh.
Nga ana tjetër situatën e ndjekin me interes të madh Chelsea dhe Manchester City. “Blutë e Londrës” janë prej kohësh të interesuar për kartonin e lojtarit të Holandës.
Tani e duan edhe kampionët e Anglisë. Pep Guardiola e cilëson De Ligt si përforcimin perfekt për repartin e prapavijës dhe drejtuesit e “Cityzens” po përgatisin një ofertë.