Risi në listën e përfaqësueses Shpresa të Shqipërisë për sfidën kualifikuese të 7 qershorit ndaj Turqisë dhe dy ndeshjet miqësore ndaj Uellsit. Sulmuesi i Venecias Giacomo Vrioni siç e bëri të ditur edhe trajneri i kombëtares A Edy Reja, ka pësuar një dëmtim dhe për këtë aryse është larguar jo vetëm nga grumbullimi i përfaqësueses së madhe por edhe nga ai i 21-vjeçarëve. Për të zëvendësuar Vrionin, Bushi ka thirrur një lojtar nga Superioria i cili ka zhvilluar një sezon shumë pozitiv me Laçin, pikërisht Redon Xhixhën i cili është grumbulluar edhe njëherë tjetër nga Bushi por nuk ka debutuar ende me Shpresat.
