Kampionatet e futbollit janë ndalur për t’u lënë vendin ndeshjeve të kombëtareve, ndërsa ky moment duket se po u shërben shumë dy skuadrave të Gjenovës në Itali, të cilat në 7 javët e para të sezonit të ri, nuk kanë marrë rezultatet e pritshme.
Kështu i pari që ka paguar, ka qenë trajneri i Sampdorias, Eusebio Di Francesco, i cili mori drejtimin e skuadrës në muajin korrik të këtij viti, por gjatë kohës qëndroi në stol, ekipi i tij mori vetëm një fitore dhe 6 humbje.
Marrëdhënia mes Di Francescos dhe drejtuesve të Sampdorias u zgjidh në mënyrë konsensuale, ndërsa tashmë i favorizuar për të zënë vendin e tij është Beppe Iachini, i cili e ka drejtuar këtë ekip edhe më sezonin 2011-2012, ndërsa ka qenë edhe në stolin e skuadrave si Empoli, Sassuolo, Udinese, Palermo, Siena, etj.
Edhe skuadra tjetër e qytetit, Genoa nuk pritet të mbyllë bashkëpunimin me trajnerin Andreazzoli, pasi nën drejtimin e tij, ekipi ka marrë vetëm 5 pikë në 7 javët e para, shumë pak krahasuar me pritshmëritë e drejtuesve, që synonin zonën e sipërme të tabelës.
Presidenti i kuqebluve, Preziosi ka kontaktuar me ish trajnerin e Interit dhe Fiorentinës Stefano Pioli dhe ka marrë miratimin paraprak të tij për stolin, ndërsa në ditët në vijim pritet që gjithçka të marrë udhë zyrtare dhe t’i komunikohet shkarkimi Andreazzolit.