Pas ndryshimeve në pankinë, ku trajneri Qatip Osmani i la vendin Erhan Selimit, Shkëndija e Tetovës arriti të marrë fitoren e parë në kampionat, pasi mposhti thellë 3-0 Rabotnickin.
Sulmuesi brazilian Junior zhbllokoi sfidën në minutën e 19’, ndërsa në të 37-ën ishte Alimi që dyfishoi shifrat. Golin e tretë për kuqezinjtë e Tetovës e shënoi mesfushori Einur Totre, në minutën e fundit të ndeshjes, duke vulosur edhe 3 pikët e para sezonale.
Kampionët në fuqi të Maqedonisë Veriore e nisën kampionatin në mënyrën më të keqe të mundshme, duke regjistruar 3 humbje dhe një barazim në 4 javët e para, ndërsa sot gjetën suksesin e parë sezonal, me shpresën për të mos u ndalur në misionin e mbrojtjes së titullit.
