Pas barazimit pa gola ndaj Leicester në St. James’ Park, Newcastle siguroi pas 20 vitesh kualifikimin në Champions League. “Magpies” ishin autorë të një sezoni të shkëlqyer pasi përveç rezultateve, dhuruan edhe një futboll tërheqës. Tashmë, klubin e pret hapi i radhës pasi Europa kërkon më shumë impenjim dhe cilësi.
Megjithatë, tekniku Eddie Howe pas ndeshjes me “Dhelprat” “ul me këmbë në tokë” tifozët duke theksuar se nuk duhet të presin një merkato nga ato të “çmendurat” pavarësisht se pronarët arabë të Newcastle kanë të gjithë resurset ekonomike.
Lexo edhe:
- E bujshme/ Ferrari “josh” Hamilton, e fton të thyejë rekordin e Schumacher me “kokëkuqjen”
- DigitAlb – Zgjedhja e vetme për Shqiptarët dhe Diasporën
- Nga kualifikimet europiane, te sukseset në kampionate/ Rekordet e trajnerit Ilir Daja!
- Arteta zbulon zëvendësuesin e Xhakës, në shënjestër kapiteni i rivalëve të Premier League
“Të them të drejtën nuk u futëm në këtë sezon për ta mbyllur kampionatin në vendin e katërt, nuk ndiheshim gati për këtë objektiv. Por, mentaliteti i lojtarëve ishte i shkëlqyer. Merkato? Ka një listë të vogël lojtarësh të cilët mund të afrojmë dhe që do të na bënin punë. Me shumë mundësi do të jetë një merkato shumë e vështirë për ne.
Kjo organikë është e mirë, kanë përballuar sfidat dhe ia kanë dalë shumë mirë edhe me ngarkesën fizike. Ajo që më mbetet peng është fakti që nuk arritëm të fitonim trofe, duhet ta realizojmë sa më shpejt edhe këtë objektiv pasi tifozët e meritojnë”, u shpreh Howe.