Connect with us

Hi, what are you looking for?

Kategoria Superiore

Në kërkim të historisë, Egnatia një hap larg ëndrrës së madhe

Egnatia në kërkim të historisë! Skuadra rrogozhinase kërkon titullin e parë kampion që prej krijimit të klubit, një arritje madhështore për një skuadër të një qyteti të vogël që deri para pak vitesh nuk figuronte në elitën e futbollit shqiptar.

Përballë është Partizani në finalen e madhe të 26 majit në “Air Albania” (19:00). E megjithatë, motivet për të besuar te suksesi për skuadrën e Edlir Tetovës janë të shumta.

Pikë së pari ata janë fituesit moralë të këtij kampionati. Kryesuan që në javët e para duke e mbyllur në udhëheqje deri në të 36-n, dhe në një kampionat të rregullt do të kishin ngritur tanimë trofeun.

Një lidership që ka forcuar te grupi vetëbesimin e mjaftueshëm për të parë me kurajën e duhur çdo kundërshtar. Pavarësisht emrit apo fanellës.

Egnatia nuk do të ketë avantazhin e tifozerisë, por në fushë tifozët nuk kanë shënuar kurrë ndonjë gol. Dhe në fushë Egnatia luan futbollin më tërheqës.

Lexo edhe:

Harmonia e lojës dhe kualiteti në sulm është në krahun e saj, me lojtarët e vijës së parë që në kombinimet me njëri tjetrin janë fatalë për çdo mbrojtje kundërshtare. Diçka që te Partizani e dinë mirë.

Një tjetër arsye për të besuar, është uria për të fituar. Jo se te Partizani mungon, por tek Egnatia e dinë se nëse ia dalin do të ishte një arritje madhështore.

Që do të mbetej për dekada të tëra në librat e historisë. Ku gjithë kjo skuadër do të kishte të garantuar emrin e saj.

Për sa i përket “presionit” nga tribunat, që do të dominohen nga ngjyra e kuqe, Egnatia e ka provën e freskët pikërisht te gjysmëfinalja me Vllazninë.

Ku edhe pse kuqeblutë shkodranë ishin më të shumtë e më të zjarrtë, u larguan të eliminuar nga skuadra që kërkon të bëjë mrekullinë këtë të diel.

Lajme të tjera

Futboll

Vinicius Junior ka përfunduar në shënjestrën e ish-futbollistit brazilian, Carlos Alberto Gomes, i njohur si Pintinho. Ky i fundit që ka bërë karrierë në...

Euro 2024

Një përplasje e rëndë ndodhi në ndeshjen Skoci-Hungari, me lojtarin e hungarezëve Barnabas Varga që ka rënë pa ndjenja në tokë pas tronditjes së...

Kombëtare

Në konferencën e zakonshme për shtypin, Sylvinho, trajneri i kombëtares shqiptare, analizoi rrugëtimin e kuqezinjve në grupin B të Euro 2024. “Po, jam krenar...

Kombëtare

Armando Broja do të largohet nga Chelsea këtë verë. Për sulmuesin ka patur oferta nga disa skuadra europiane, por SuperSport mëson ekskluzivisht nga burime...