Connect with us

Hi, what are you looking for?

Kategoria Superiore

Në Korçë supersfidë titulli, Flamurtari kërkon të ndezë garën

Herën e fundit që Flamurtari fitoi në Korçë në një ndeshje kampionati, Skënderbeu nuk ishte ende skuadra e madhe e dekadës së fundit. Ishte prilli i vitit 2010, që nga ajo periudhë vetëm një fitore në vitin 2014 në Kupë për vlonjatët në transfertën me “ujqërit e dëborës”, por gjatë këtyre viteve kuqezinjtë shpeshherë kanë patur jo pak luhatje në paraqitjet e tyre.

Megjithatë këtë sezon duket se Flamurtari është në rrugën e mbarë për të provuar jo vetëm që të rikthehet te fitorja në Korçë, por mbi të gjitha për të synuar dhe trofeun e kampionatit. Një fitore përballë kryesuesve do të thoshte reduktim i diferencës në vetëm pesë pikë dhe më në fund “ndezja” e një drite shprese për të gjithë ndjekësit se ky sezon nuk është “vrarë” ende nga Skënderbeu në garën e titullit. Seria e rezultateve të fundit është më pozitive për ekipin e Duros, që gjithashtu do të rikthehet në një stadium të njohur për të, dhe pse jo për herë të parë.

Në Kupë si Flamurtari dhe Skënderbeu kanë ecur paralelishit, duke arritur suksese të rëndësishme ndaj Partizanit dhe Teutës, por përpara se të mendojnë për një përplasje hipotetike dhe për trofeun e Kupës, fillimisht do të hidhet vështrimi nga kampionati, i cili këtë të premte mund të hyjë në një tjetër rrjedhë.

Nëse Flamurtari fiton në Korçë, vlonjatët do të jenë zytarisht kandidatë për trofenë, dhe nëse humbasin, atëherë mund të jetë arratisja e parë e Skënderbeut drejt një tjetër titulli. 90 minutat e kësaj fundjave do të jenë dhe finalja e parë, urojmë që mos jetë e fundit gjithashtu.

 

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...