Bylbyl Sokoli nuk do të jetë më trajner i Llapit në IPKO Superligën e Kosovës. Mësohet se trajneri i njohur kosovar është shkarkuar nga detyra, por edhe ende nuk ka një vendim zyrtar të drejtuesve të Llapit për këtë çështje.
Mediat në Kosovë raportojnë se lajmi është konfirmuar nga vetë Sokoli dhe nga pjesëtarë të klubit nga Podujeva. Më konkretisht, drejtori sportiv, Tahir Batatina, ua ka konfirmuar vendimin edhe lojtarëve.
Kujtojmë se vetëm pak ditë më parë, pas humbjes 2-ë të Llapit me Prishtinën, Bylbyl Sokoli i sulmua nga disa persona pranë banesës së tij.
Kujtojmë që Llapi në 9 javët e para ka grumbulluar 16 pikë nga 27 të mundshme dhe mban vendin e tretë, me 7 pikë më pak se Feronikeli kryesues. Në dy takimet e fundit u mposht pikërisht nga Feronikeli dhe Prishtina.