Në pritje të zgjidhjes së trajnerit të ri, Juventusi vijon paralelisht edhe punën në merkato dhe gjatë ditës së sotme ka mbyllur marrëveshjen me Sassuolon, për kalimin në Torino të mbrojtësit turk Merih Demiral.
Për këtë të fundit Sassuolo pagoi 8 milionë euro në janar, për ta marrë nga Sporting Lisbona, ndërsa në operacion ishte përfshirë edhe Juventusi, që kishte ruajtur të drejtën e blerjes së turkut për shifrën e 15 milionë eurove në fund të sezonit.
Pas 6 muajsh në nivele mjaft të mira, Demiral duket se i ka bindur drejtuesit e Juventusit që të shpenzojnë 15 milionë euro për kartonin e tij dhe ta sjellin në Torino, ku pritet të marrë vendin e lënë bosh nga Barzagli.