Vijon ‘Thatësira’ në stadiumin “Wembley”, teksa pas barazimit 0-0 mes Anglisë dhe Gjermanisë, para 3 ditëve, sot është regjistruar një tjetër barazim pa gola, mes ishullorëve dhe Brazilit.
Shumë yje në fushë dhe shumë spektakël, por të pranishmit që kishin mbushur stadiumin nuk arritën të shijonin asnjë gol. Brazilianët ishin më dominues në kontrollin e topit, por vihet re se skuadra e drejtuar nga Southgate, është perfeksionuar në repartin e prapavijës dhe nuk merr gol lehtë.
Ky ishte një test mjaft i mirë për të dy skuadrat, kur kanë mbetur vetëm pak muaj nga kampionati botëror i futbollit, teksa në këto miqësore, Anglia konfirmohet si një skuadër e fortë, që mund të përballet me këdo.