Qeveria britanike ka miratuar shitjen e klubit të Chelsea-t. “Blutë” e Londrës do të kalojnë në pronësi të një grupi të udhëhequr nga Todd Boehly, Clearlake Capital, Mark Walter dhe Hansjoerg Wyss, për një shifër prej 2.5 miliardë paund.
Përveç kësaj, pronarët e rinj të propozuar do të investojnë 1.75 miliardë paund në arkat e klubit. Kjo përfshin investime në Stamford Bridge, akademi, ekipin e femrave dhe financimin e vazhdueshëm për Fondacionin Chelsea.
Klubi londinez doli në shitje në mars, përpara se pronari Roman Abramovich të sanksionohet nga qeveria britanike për lidhjet e tij me Presidentin rus Vladimir Puti, i cili nisi pushtimin e Ukrainës. Megjithatë tashmë qeveria britanike ka dhënë dritën jeshile për shitjen e klubit të Chelsea-t.